Ultzamara jo du Nafarroako Txapelketak joan den asteko bi ekitaldien ondoren. Larraintzarreko kultur etxean jokatu da hirugarren saioa eta Julen Zelaietak bete ditu ongien arratsaldeko lanak. Beratarra martxoaren 9ko Elizondoko finalaurrekoan izango da, horrenbestez, Migel Mari Elosegi eta Xabier Silbeirarekin batera.

Julen Zelaieta 2

Julen Zelaieta

Oier Lakuntza izan da bigarren, eta Amaia Elizagoien hirugarren. Hauen atzetik ibili dira Aritz Saragueta beteluarra, Ekaitz astiz eta Haizea Beruete iruñear gaztea.

Bihar bilduko dira Iturenen laugarren azken-laurdenean parte hartu beharreko sei bertsolariak: Iñaki Aleman, Aimar Karrika, Eneko Lazkoz, Ioar Tainta, eta Egoitz Gorosterrazu eta Alazne Untxalo iturendarrak. Arratsaldeko 17:30ean hasiko da saioa.