Irantzu Mankomunitatearen Euskara Zerbitzuak antolaturik, Lizarrerriko euskararen ibilbide historikoari buruz aritzeko aukera izan nuen Jaitzen joan den ostiralean.

Hementxe duzue orduan esandakoaren laburpena, inork interesik izanez gero.

Saioa gaztelaniaz izan zen.

El pasado viernes día 12, gracias a la invitación del Servicio de Euskera de la Mancomunidad de Iranzu, tuve la oportunidad de estar en Salinas de Oro para hablar acerca del recorrido histórico de la lengua vasca en Tierra Estella.

Traigo aquí un resumen de lo expuesto, por si algún visitante pudiera tener interés. La charla fue en castellano.

Tweet

Gares

Hastear da Garesen aspaldian iragarrita dagoen aurtengo Euskara Kultur Zikloa. 2013ko ediziorako prestatutako  hitzorduek hilabete oso batez (urriaren 26tik azaroaren 23ra bitartean) beteko dute Itzarbeibarko agenda, eta gehientsuenak euskaraz izango dira. Azaroan zehar, esate baterako, Eñaut Elorrieta izango da Garesen ‘Deserriko Kantak’ diska berria aurkezteko. Beste alde batetik, V. Inkesta Soziolinguistikoak 2011rako utzitako datuen arabera euskararen egoera Nafarroan zertan den aztertu eta eztabaidatzeko aukerarik ere eskainiko du aurtengo egitarauak.

Gehiago jakin nahi izanez gero, jo hona

Tweet

Hirugarrenez eramango du Tuterak heldu den igandean Nafarroa Oinez festaren lekukoa. 1995ean eta 2002an bezala, Argia Ikastolak hartu du bere gain Nafarroako Ikastolen jaiaren antolakuntza. Tokitan daude Altsasuko 1981eko lehendabiziko urrats apalak; ez ordea Nafarroan euskarak duen sostengu, bultzada,  onarpen eta normaltasun beharra. Zer esanik ez eremu ez-euskaldunean, eta are gehiago Tuteran. Euskara eta ikastola bera harriduraz edota axolagabekeria osoz -non eta ez mesfidakor- ikusi ohi ditu Erribera gehienak. Guztiz arrotz. Ez da ahaztekoa, ezta gutxiestekoa ere. Ezin argiago adierazi du hori Badira, Bagara dokumentalean elkarrizketatutako ikastolako ikasle gazteetako batek: ‘etengabe erakutsi behar diegu geure ingurukoei, lagunei…normalak garela. Beste hizkuntza batean ari garela, baina normalak garela’. Euskara inoiz Erriberan normalagotuko bada, kanpokoen bultzada hutsaz baino gehiago bertako gehiengo erdaldunaren ikuskera pixkanaka aldaraziz izango delakoan nago. Kanpoko laguntza behar du euskarak; baina kanpokoek alde egitean hantxe geldituko diren bertakoetako asko hunkitu eta konbentzitu gabe sekula ez da sustraituko, mila urte igarota ere. Igandekoa bezalakoak aukera politak dira bide horretan urratsen bat emateko, Antolatzaileen ahalegin eskergari bertaratzen direnen jarrera alai eta errespetuzkoa bateratuta, emango ahal dio igandeko hitzorduak sendotasun puxka bat euskarak Nafarroako hegoaldean (agintarien ezinbesteko borondate eta argitasunarekin batera) behar duen irudi positibo eta normalari!

Hona hemen aurtengo Oinezarekin lotutako zenbait esteka:

Egitaraua

Badira, Bagara dokumentala (EITBtik)

Oinez’13aren bideoa

Nafarroa Oinez erdal hedabideetan

Tweet

Urriaren 5ean, larunbatarekin, Euskararen Eguna izango dute oteitzarrek eta Oteitzara biltzen diren gainerako guztiek. Irantzuko Mankomunitateak aurten antolatu dituen jardueren artean, haurrentzako zein gazte-helduentzako ‘Euskaraz bizi nahi dut’ oztopo lasterketa dago. Eguerdi partean izango da eta egunean bertan izen emateko aukera egongo da. Herri-bazkarira nahi duenak, aldiz, urriaren 2a baino lehen erosi beharko du tiketa Oteitzan bertan edota inguruko zenbait herritan.

Informazio gehiago, hemen.

Tweet

Ane Ablanedo

Urriaren 24ra arteko epea izango du urtero-urtero antolatzen den lehiaketa honetarako idazkiren bat aurkeztu nahi duenak. Poesia-lanak, narrazioak zein bertsopaperak bidali ahal izango dituzte Nafarroan jaio edo bizi diren egile berriek.

Ane Ablanedo (narrazioa), Beatriz Chivite (poesia) eta Iban Garro (bertsopaperak) izan ziren XXIII. edizioan saritutako idazleak.

Lehiaketan parte hartzeko ezarri diren mugak edo beste edozein jakingarri ezagutu nahi duena sar bedi hemen.

Tweet

E. Fernandez

E. Lagoma

Lau ordezkari nafar izango ditu bihar Villabonan hasiko den Euskal Herriko Txapelketa Nagusiak; aurtengo Nafarroako Txapelketako lau onenak, hain zuzen. Hona hemen laurak:

Eneko Fernandez  (Lesaka, 1977). Irakasle. Nafarroatik helduko den bertsolari berri bakarra; laugarren izan zen 2013ko Nafarroako Txapelketan, lehendabiziko aldiz parte harturik.

Erika Lagoma (Lesaka, 1981). Euskal Herriko Bertsozale Elkarteko transmisio eragile.  Bigarren aldiz hartuko du parte Txapelketa Nagusian; Nafarroakoan, berriz, eskarmentu handiko bertsolaria da. Hirugarren sailkatu zen aurten Iruñeko finalean.

X. Silveira

J. Soto

Xabier Silveira (Lesaka, 1976). Idazle. Nafarroako Txapelketan zazpi aldiz nagusitu da, 1997an Sunbillan hasi eta azken txapela aurten bertan lortu duelarik. Historian zehar beste inork egin ez duen gauza da hori. Nafarroakoa estreinakoz lortu zuen urtean Txapelketa Nagusiko final-laurdenetara heldu zen; ordutik gaur arteko edizio guztietan izan da.

Julio Soto (Gorriti, 1987). Ingeniari eta Filologia ikasle. Azken Txapelketa Nagusian bera izan zen urrunago iritsi zen bertsolari nafarra: 20 puntugatik gelditu zen finaletik kanpo. Nafarroako txapela bitan jantzi du (2010ean eta 2011n) eta 2009tik gaur arte txapeldun edo txapeldunorde izan da beti.

Hona hemen lau bertsolarion azken urteotako ibilbidea:

FL: final-laurdenak                            FA: final-aurrekoa