Tag: bertsolaritza

Nafarroako Bertso Txapelketa: Silveira, Etxarritik finalera

1032694_xabier_silveira_nafarroako_bertso_txapelketa_foto610x342

Silveira, Etxarrin nagusi

Xabier Silveira izan da onena igande arratsaldean Etxarri Aranazko Kultur Etxean jokatu den Nafarroako Bertsolari Txapelketaren bigarren finalerdian. Lesakarra, bezperan Julio Soto bezala, zuzenean sailkatu da beraz hiru aste barru Iruñean izango den finalerako. Beste sei bertsolari aukeratu beharra dago oraindik, eta horien izenak heldu den asteburuan ezagutuko ditugu, finalerdi saioak Elizondon amaitutakoan. Izan ere, hirugarren finalerdiko irabazlea ez ezik, hiru finalerdietako gainerako lehiakideen artean bost puntuaziorik altuenak dituztenak ere iritsiko dira finalera. Silveiraren atzetik sailkatu diren Jon Barberenak, Eneko Lazkozek eta Eneko Fernándezek badute oraindik aukerarik. Ez ordea bosgarren eta seigarren egin duten Ander Fuentesek eta Josu Sanjurjok.

Martxoaren 9an arratsaldeko bost eta erdietan jokatuko den saioa baino lehen, bost puntuaziorik onenak honako bertsolari hauenak dira:

Erika Lagoma               436
Jon Barberena             426
Eneko Lazkoz               424
Eneko Fernandez       401,5
Oskar Estanga             400,5

Elizondoko saioan finalerako sailkatzen ahaleginduko diren bertsolariak Julen Zelaieta, Migel Mari Elosegi, Aimar Karrika, Oier Lakuntza, Saioa Alkaiza eta Xabi Maia dira.


Nafarroako Bertso Txapelketa: Soto, finalera

Soto2

Julio Soto gorritiarra, egungo txapelduna

Julio Sotok irabazi du larunbat arratsalde honetan Atarrabian jokatu den Nafarroako Bertsolari Txapelketako lehenbiziko finalerdia eta, horrenbestez,  hirugarren txapela eskuratzeko aukera izango du hilaren 23an Iruñean. Atzean utzi dituen gainerako bost bertsolariak ondorengo bi saioen puntuazioen zain egongo dira, horien arabera erabakiko baitira finalerdirik irabazi gabeko bost finalisten izenak. Aukerarik handiena, dena den, bigarren egin duen Erika Lagomak izango du. Txapelketa polita egiten ari da lesakarra, Lizarran ere, Xabier Silveirak irabazitako estraineko final-laurdenean, bigarrena izan baitzen. Lagomaren atzetik geratu dira Oskar Estanga, Joxema Leitza, Iñigo Olaetxea eta Iñaki Aleman.

Bihar bertan jokatuko da bigarren finalaurrekoa, Etxarri Aranatzeko Kultur Etxean (17:30). Eneko Lazkoz, Xabier Silveira, Jon Barberena, Eneko Fernandez, Ander Fuentes “Itturri” eta Josu Sanjurjo lehiatuko dira.


Nafarroako Bertso Txapelketa: bi finalaurreko asteburuan zehar

Larunbat-igande honetan hasiko dira Nafarroako 41. Bertsolari Txapelketaren finalaurrekoak. Lehendabizikoa Atarrabiako Kultur Etxean jokatuko da bihar bertan, arratsaldeko 17:30ean, ohi bezala. Honako sei bertsolari hauek igoko dira Atarrabiako oholtzara: Julio Soto, Oskar Estanga, Erika Lagoma, Iñigo Olaetxea, Iñaki Aleman eta Joxema Leitza. Igandeko finalaurrekoa Etxarri Aranatzen izango da, han ere Kultur Etxean eta arratsaldeko bost eta erdietatik aurrera. Parte hartzaileak Eneko Lazkoz, Xabier Silveira, Jon Barberena, Eneko Fernandez, Ander Fuentes “Itturri” eta Josu Sanjurjo izango dira.

Bi saio hauen irabazleak zuzenean pasatuko dira hilaren 23ko finalera; baita datorren astean Elizondon izango den hirugarren finalaurrekoarena ere. Saio guztietan punturik gehien lortzen duten ondorengo bost bertsolariak izango dituzte ondoan Iruñeko Anaitasuna kiroldegian.


Nafarroako Bertso Txapelketa: Estanga irabazle Zubirin

Oskar Estanga izan da onena Nafarroako Bertsolari Txapelketaren azken-laurdenak osatu dituen Zubiriko saioan, eta martxoaren 2an Atarrabian jokatuko den finalaurrekoan izango da beraz araiztarra. Bizia izan da lehia, dena den, lehen faseko azken ekitaldia izanik

oskar_estanga

Oskar Estanga

bertan erabaki behar zelako zein bertsolari sailkatuko ziren bigarren fasean aritzeko puntuazioaren arabera.

Bi puntuko aldea baino ez du lortu azkenean Estangak, eta oso gutxigatik eman du amore azkenean Ander Fuentesek. Bai Fuentes, bai hirugarren izan den Joxema Leitza ere finalaurreko saioetan arituko dira. Ez ordea laugarren postuan geratu den Iban Garro, eta ezta Ainhoa Aranburu eta Unai Uberetagoena ere.

Ezaguna da honenbestez martxo hasieran zehar finalerako bidean lehiatuko diren bertsolarien zerrenda. Julio Soto egungo txapeldunarekin batera azken-laurdenetako irabazleak izango dira, noski, (Xabier Silveira, Migel Mari Elosegi, Julen Zelaieta, Eneko Lazkoz eta Oskar Estanga bera) eta baita aurrekoez landa punturik gehien lortu duten gainerako hamabiak ere: Erika Lagoma, Jon Barberena, Aimar Karrika, Oier Lakuntza, Eneko Fernandez, Iñigo Olaetxea, Iñaki Aleman, Ander Fuentes, Xabi Maia, Saioa Alkaiza, Josu Sanjurjo eta Joxema Leitza.

 

Finalaren aurretik hiru saio izango dira: lehen aipatu bezala Atarrabian izango da martxoaren 2koa; 3koa, aldiz, Etxarri-Aranatzen; eta azken finalaurrekoa martxoaren 9an jokatuko da Elizondon. Saio hauek guztiak arratsaldeko 17:30ean hasiko dira. Nafarroako Txapelketaren webguneko agendan dituzue argibide gehiago.

 

Hoy se han cerrado en Zubiri los cuartos de final del Campeonato de Bertsolaris de Navarra. Oskar Estanga se ha impuesto esta tarde y acompañará al vigente campeón Julio Soto y a los vencedores de las anteriores eliminatorias (Xabier Silveira, Migel Mari Elosegi, Julen Zelaieta y Eneko Lazkoz) en las semifinales a disputar en marzo. Otros 12 bertsolaris se han clasificado por puntos.

 


Nafarroako Bertso Txapelketa: azken-laurdenen errematea bihar Zubirin

Nafarroako Bertsolari Txapelketak bihar izango du 1. faseko azken ekitaldia. Esteribarko Zubirin elkartuko dira arratsaldeko 17:30etik aurrera Ainhoa Aranburu, Oskar Estanga, Ander Fuentes, Iban Garro, Joxema Leitza eta Unai Uberetagoena. Gautxori jatetxean dute hitzordua.

Biharko seikotearen lanen ostean azken-laurdenak osatuta geldituko dira. Zubiriko saioko onena finalaurrekoetan izango da, orain arteko lau ekitaldietako irabazleekin batera (Xabier Silveira, Migel Mari Elosegi, Julen Zelaieta eta Eneko Lazkoz). Aldez aurretik dago sailkatuta egungo  txapeldun den Julio Soto. Beste hamabi lagun izango dira finalaurrekoetan; azken-laurdenetan irabazle izan gabe punturik gehien izan dutenak, hain zuzen. Zubiriko saioa baino lehen, hauxe da behin-behineko sailkapena:

 

BERTSOLARIA

PUNTUAK

Erika Lagoma

340

Jon Barberena

331

Aimar Karrika

324,5

Oier Lakuntza

320,5

Eneko Fernandez

317,5

Iñigo Olaetxea

317

Iñaki Aleman

315,5

Xabier Maia

310,5

Saioa Alkaiza

308,5

Josu Sanjurjo

307

Amaia Elizagoien

302,5

Aritz Saragueta

301,5

Ioar Tainta

301,5

Egoitz Gorosterrazu

300,5

Alazne Untxalo

298,5

Iker Gorosterrazu

293

Patxi Castillo

291.5

Oskar Sanz de Acedo

289,5

Ekaitz Astiz

285,5

Haizea Beruete

228

Finalaurrekoak Atarrabia, Etxarri-Aranatz eta Elizondon izango dira martxoaren 2tik aurrera.

 

 

 


Nafarroako Bertso Txapelketa: Iturengo saioa, Lazkozek

Laugarren ekitaldia izan du gaurkoa Nafarroako Bertsolari Txapelketaren 41. edizioak. Iturengo azken-laurdenean bildutako sei bertsolarietan onena Eneko Lazkoz etxarriarra izan da, eta lehian segituko du azken-laurdenak amaitutakoan, Silveirak, Elosegik eta Zelaietak bezala.

eneko-lazkoz.jpg_2011022117d_1

Aise samar nagusitu da Lazkoz, Aimar Karrika auriztarrari eta Iruritako Iñaki Alemani aurre hartuta. Hirurek egin dute lan polita; atzerago gelditu diren Ioar Tainta lesakarrak, eta Iturengo Egoitz Gorosterrazu eta Alazne Untxalok ere lan itxurosoa osatu dute.

Bosgarren azken-laurdena heldu den larunbatean jokatuko da Zubiriko Gautxori jatetxean, arratsaldeko 17:30ean.


  • RSS Jarioa – Harpidetu

  • CREATIVE COMMONS

  • Artxiboak

  • 2019(e)ko abuztua
    A A A A O I I
    « maiatza    
     1234
    567891011
    12131415161718
    19202122232425
    262728293031  
  • wordpress visitors
  • Feedburner

  • Jarraitu bloga

  • Copyright © 1996-2010 LINGUA NAVARRORUM. All rights reserved.
    iDream theme by Templates Next | Powered by WordPress
    Tresna-barrara saltatu