Tag: Euskararen Legea

Eremu ez euskalduneko ikastolen egoera ekonomiko larria salatu dute

Arangoiti Ikastola

Arangoiti Ikastolako gela bat. Irunberrikoa eremu ez euskaldunean dauden zentroetako bat da.

Eremu ez euskalduneko sei ikastolak (Irunberri, Tafalla, Tutera-Fontellas, Lodosa, Viana eta Zangoza) diru-arazoak itota daudela azaldu zuten atzo Nafarroako Ikastolen Elkarteko ordezkariek Parlamentuko Hezkuntza Batzordean. Legearen barrenean daude zentro guztiak eta duela urte batzuk  lege bat adostu zen haiei diru laguntza eman ahal izateko, baina finantzaketa-plana bertan behera gelditu zen 2008an eta azken urteotan pilatutako defizita laster milioi bat eurokoa izango dela jakinarazi zuten atzoko agerraldian.

Albistea, zabalago:

Diario de Noticias

Berria

 


Euskararen Eguna Elortzibarren izango da asteburu honetan

Elortzibarko Euskararen Eguna

Euskararen Egunaren egitaraua (egin klik irudian)

Noain izango da larunbatean ospatuko den Elortzibarko Euskararen Egunerako topaleku. Goizeko hamarretan ekingo diote jaiari, eta proposamenez lepo datorren egitaraua prestatu dute Elortzibar Euskara Taldeak, Noaingo Gau Eskolak eta AEK-k.

Ohiko musika-eskaintza, erakustaldi eta haurrentzako ekintzez gain, aipatzekoa da arratsalde partean burutuko duten flasmob-a, eta herri-bazkarirako txartel bakoitzarekin euro bateko laguntza emango diotela bazkaltiarrek Dravet Fundazioari. Fundazio honen helburua izen bereko sindromea (haurrengan eragiten duen epilesia mota larri bat) ikertzea da.

Elortzibarko Euskararen Egunean indar berezia hartuko du ziurrenik inguruko euskaltzaleen aldarrikapen kutsuak. Gogoratu beharra dago eremu ez-euskaldunean dagoela Noain-Elortzibar, eta uko egin ziola 2010ean udalak Aranguren, Galar edota Belaskoainekin batera eremu mistoan sartzeko aukerari. UPN alderdiak gehiengo osoa du Noain-Elortzibarren.


Euskararen Nafar Kontseiluko bokalak aukeratu ditu Nafarroako Gobernuak

Orreaga Ibarra

Orreaga Ibarra erroibartarra da Euskararen Nafar Kontseiluaren kideetako bat

Euskararen Nafar Kontseiluko hamasei bokal izendatu zituen atzo nafar gobernu autonomoak. Hamasei bokal horietatik hamalau, Kontseiluan lau urtez parte hartzeko hautatu ditu; bi urtez aritzeko, aldiz, gainerakoak.

Nafarroako Unibertsitate Publikoa zein Pribatua, Eusko Ikaskuntza, Euskaltzaindia edota Nafarroako Ikastolen Federazioa dira Kontseiluan ordezkaria duten erakundeetako batzuk. Ordezkari horietaz gain, euskararen arloan itzal handikoak diren hainbat lagun hautatu ditu Nafarroako Gobernuak: unibertsitateko irakasleak, filologoak edota idazleak, besteak beste.

Zerrenda osoa ezagutzeko, hona hemen albistea prentsan:

Diario de Noticias

Diario de Navarra


Nafarroako Gobernuari D ereduko ikasleen gastuak bere gain hartzeko eskatu dio Parlamentuak

Gaur goizean onartutako mozio baten bidez gauzatu dute eskaera PSNk, Bilduk, Aralar-NaBaik, Geroa Baik eta Ezkerrak. Eremu ez-euskalduneko D ereduko ikasleen garraio eta jantoki-gastuen ardura har dezala eskatu diote alderdiok Nafarroako Gobernuari. UPNk eta PPk ez dute mozioaren alde egin baina gainerakoen bozei esker aurrera egin du eskaerak.

Azken hilabeteotan, Hizkuntz Eskubideen Behatokiak eremu ez-euskalduneko mila haurrek baino gehiagok D ereduan ikasteko egin beharreko bidaiak eta bidaia horiek eragindako gastuak azaldu ditu, eta Nafarroako hezkuntza sare publikoak herrialde osoan D eredua eskain dezala aldarrikatzen duen Maite ditugulako dokumentala aurkeztu ere bai.

Hona hemen albistea sarean:

Berria

Diario de Noticias

Diario de Navarra


‘Euskara Herria Josten’ jaia apirilaren 21ean Bilatortan

Euskararen Legeak eragindako zonifikazioa gainditu eta euskara Nafarroa osoan ofizial bihurtzeko eskatu asmoz ospatu da azken urteotanBilatorta apirilak 21 ‘Euskara Herrian Josten’ jaia  Artaxoan, Mendigorrian eta -iaz- Larragan. Apirileko hirugarren igandean izango da 2013koa Bilatortan. Antolatzaileek eremu ez euskaldunean izanik mistotik oso hurbil dagoen herria aukeratu dute aurten ere, aurreko jaietan bezala, herri horietan sortzen den egoera agerian jarri asmoz. Izan ere, eremu ez-euskaldunean egonik, Gareseraino eraman behar izaten dituzte seme-alabak D ereduko irakaskuntza nahi duten guraso artaxoar, mendigorriar eta larragatarrek, herriko ikastetxeek ez baitiete aukerarik ematen. Beste horrenbeste gertatzen zaie Lizarratik 4 kilometro eskasera dagoen Bilatortako hainbat gurasori, Lizarra ez bezala eremu mistotik at baitago Bilatorta.

Gai honen inguruko xehetasun gehiago lizarbeibar.wordpress.com blogean topatu ahal izango dituzue, besteak beste.


Nafarroako Parlamentuak ez du zabalduko eremu mistoa

NaBai alderdiak Euskararen Legea aldatu eta eremu mistoa zabaltzeko proposamena egin berri du Nafarroako Parlamentuan. Zenbait alderdik proposamenarekin bat egin dute, baina gehiengoa dutenak abstenitu egin dira, edota aurka bozkatu. Ez da, beraz, aldaketarik izango, eremu ez euskalduneko hainbat herrik -Beriainek, Mañeruk edota Ziraukik, esaterako- mistora igarotzeko eskaera egina duten arren.

Albistea, sarean:

Berria

Noticias de Navarra

Diario de Navarra


  • RSS Jarioa – Harpidetu

  • CREATIVE COMMONS

  • Artxiboak

  • 2017(e)ko abuztua
    A A A A O I I
    « maiatza    
     123456
    78910111213
    14151617181920
    21222324252627
    28293031  
  • wordpress visitors
  • Feedburner

  • Jarraitu bloga

  • Copyright © 1996-2010 LINGUA NAVARRORUM. All rights reserved.
    iDream theme by Templates Next | Powered by WordPress
    Tresna-barrara saltatu