Tag: Ikastolak

Nafarroa Oinez 2013, ate joka

Argia Oinez 13Hirugarrenez eramango du Tuterak heldu den igandean Nafarroa Oinez festaren lekukoa. 1995ean eta 2002an bezala, Argia Ikastolak hartu du bere gain Nafarroako Ikastolen jaiaren antolakuntza. Tokitan daude Altsasuko 1981eko lehendabiziko urrats apalak; ez ordea Nafarroan euskarak duen sostengu, bultzada,  onarpen eta normaltasun beharra. Zer esanik ez eremu ez-euskaldunean, eta are gehiago Tuteran. Euskara eta ikastola bera harriduraz edota axolagabekeria osoz -non eta ez mesfidakor- ikusi ohi ditu Erribera gehienak. Guztiz arrotz. Ez da ahaztekoa, ezta gutxiestekoa ere. Ezin argiago adierazi du hori Badira, Bagara dokumentalean elkarrizketatutako ikastolako ikasle gazteetako batek: ‘etengabe erakutsi behar diegu geure ingurukoei, lagunei…normalak garela. Beste hizkuntza batean ari garela, baina normalak garela’. Euskara inoiz Erriberan normalagotuko bada, kanpokoen bultzada hutsaz baino gehiago bertako gehiengo erdaldunaren ikuskera pixkanaka aldaraziz izango delakoan nago. Kanpoko laguntza behar du euskarak; baina kanpokoek alde egitean hantxe geldituko diren bertakoetako asko hunkitu eta konbentzitu gabe sekula ez da sustraituko, mila urte igarota ere. Igandekoa bezalakoak aukera politak dira bide horretan urratsen bat emateko, Antolatzaileen ahalegin eskergari bertaratzen direnen jarrera alai eta errespetuzkoa bateratuta, emango ahal dio igandeko hitzorduak sendotasun puxka bat euskarak Nafarroako hegoaldean (agintarien ezinbesteko borondate eta argitasunarekin batera) behar duen irudi positibo eta normalari!

Hona hemen aurtengo Oinezarekin lotutako zenbait esteka:

 

Oinez13 egitaraua

Egitaraua

Oinez13 badirabagara

Badira, Bagara dokumentala (EITBtik)

 

 

 

 

 

 

 

Oinez13 bideoa

Oinez’13aren bideoa

 

 

 

 

 

 

 

Nafarroa Oinez erdal hedabideetan

ep

 

 

 

 

Plaza Nueva


Eremu ez euskalduneko ikastolen egoera ekonomiko larria salatu dute

Arangoiti Ikastola

Arangoiti Ikastolako gela bat. Irunberrikoa eremu ez euskaldunean dauden zentroetako bat da.

Eremu ez euskalduneko sei ikastolak (Irunberri, Tafalla, Tutera-Fontellas, Lodosa, Viana eta Zangoza) diru-arazoak itota daudela azaldu zuten atzo Nafarroako Ikastolen Elkarteko ordezkariek Parlamentuko Hezkuntza Batzordean. Legearen barrenean daude zentro guztiak eta duela urte batzuk  lege bat adostu zen haiei diru laguntza eman ahal izateko, baina finantzaketa-plana bertan behera gelditu zen 2008an eta azken urteotan pilatutako defizita laster milioi bat eurokoa izango dela jakinarazi zuten atzoko agerraldian.

Albistea, zabalago:

Diario de Noticias

Berria

 


Artea Oinez, Ekin Erribera: Nafarroa Oinez ’13rako bidean

nafarroaoinez-13Heldu den urriaren 20an izango da aurtengo Nafarroa Oinez, Tuterako Argia Ikastolak antolaturik. Hirugarren aldiz hartuko du Tuterak Nafarroako ikastolen festa, 1995ean eta 2002 ere hala egin baitzuen. Zazpi hilabete luze falta dira beraz, baina abian dira dagoeneko Oinezaren inguruko hainbat ekimen.

Alde batetik, azken urteotan bezala Artea Oinez erakusketa ikus daiteke dagoeneko. 61 egilek sortutako beste horrenbeste artelan bildu dituzte aurten ekimenaren antolatzaileek: margolanak batez ere, baina eskulturak edota argazkiak ere bai. Une honetan Iruñeko Ziudadelako Gotorlekuan dago ikusgai (apirilaren 7ra arte). Apiril amaieran Tuteran bertan izango da Artea Oinez.

Erakusketari buruzko xehetasun gehiago Berria egunkarian.

Artea Oinez 2103

Bestetik, larunbat honetan bertan, gaueko 11etan, aurtengo Oinezaren abesti izango den ‘Ekin Erribera’ aurkeztuko dute Tuterako Noboo aretoan.


  • RSS Jarioa – Harpidetu

  • CREATIVE COMMONS

  • Artxiboak

  • 2018(e)ko apirila
    A A A A O I I
    « maiatza    
     1
    2345678
    9101112131415
    16171819202122
    23242526272829
    30  
  • wordpress visitors
  • Feedburner

  • Jarraitu bloga

  • Copyright © 1996-2010 LINGUA NAVARRORUM. All rights reserved.
    iDream theme by Templates Next | Powered by WordPress
    Tresna-barrara saltatu